त्यत्रो गाँजा बोकेर केटाहरु कता हिँडेका ?
मोटरसाइकलमा गाँजा बोकेर हिँडिरहेको अवस्थामा दुईजना धादिङे युवक चितवनमा पक्राउ परेका छन् ।
अस्थायी प्रहरी पोष्ट फिस्लिङबाट खटिएको प्रहरी टोलीले हिजो दिउँसो पौने १२ बजेतिर बागमती प्रदेश ०३–००४ प २९१५ नम्बरको मोटरसाइकल चेकजाँच गर्ने क्रममा १६ किलो ४३० ग्राम गाँजा फेला परेको जिल्ला प्रहरी कार्यालय चितवनले जनाएको छ ।
मोटरसाइकलको पछाडि बसेका धादिङ, गल्छी गाउँपालिका–५ का जीवन लामाले बोकेका तीनवटा झोलामा गाँजा फेला परेपछि चालक धादिङ, गल्छी–५ कै २२ वर्षीय प्रकाश तामाङ र १९ वर्षीय जीवनलाई गाँजा र मोटरसाइकलसहित नियन्त्रणमा लिइएको थियो ।
यस सम्बन्धमा चितवन जिल्ला अदालतबाट आज सात दिनको म्याद अनुमति प्राप्त भई थप अनुसन्धान भइरहेको प्रहरीले बताएको छ ।
ट्रेन्डिङ पोस्ट
टिप्पणीहरू