म्यारिज एनिभर्सरीमा गृहमन्त्रीलाई ‘एक्स’ फ्रेण्डहरुको व्यङ्ग्यमिश्रित शुभकामना

उपप्रधान तथा गृहमन्त्री रवि लामिछानेले आफ्नो विवाह वार्षिकोत्सव (एनिभर्सरी) को उपलक्ष्यमा सामाजिक सञ्जाल एक्स (ट्विट्) मा फोटो र स्टाटस पोष्टाएसङ्गै सामाजिक सञ्जालका साथी (फ्रेण्ड) हरुले शुभकामना दिएका छन् ।

हिजोको तुलनामा उनकै वालमा गएर उनलाई समर्थनभन्दा आलोचना गर्नेको संख्या ह्वात्तै बढेको छ । श्रीमती निकिता पौडेलसँग कतारको भिलाजियो मलमा खिचिएका फोटोसहितको उक्त स्टाटसमा दिउँसो साढे ३ बजेसम्म २६२ जनाले कमेन्ट गरेका छन् भने ३१ हजार पाँच सयले हेरेका छन् । 

उनले ‘निकिता भाउजूलाई डिभोर्स गरेर अर्की राम्री धनवाली बिहे नगर्नुहोला’ भनेका छन् । अगाडि लेख्छन्, ‘एनिभर्सरीको शुभकामना प्रिय सहकारी दादा !’

एक्स फ्रेण्ड किरण जोशीले उनलाई ह्याप्पी एनिभर्सरी भन्दै ‘अब अर्को बिहे नगर्नुहोला’ भनेर सुझाएका छन् । देव नेपालीले पनि अंग्रेजीमा शुभकामना लेखेर मन्त्री तथा मन्त्राणी उल्लेख गरेका छन्, ‘सहकारी ठगीको पैसा छिटो फिर्ता होस् भनेर भगवानसँग प्रार्थना गरेको छ । जस्तो कर्म उस्तै फल ! स्वच्छ राजनीति यात्रा सहज,झुट,ठग, भ्रमको राजनीति कठिन ।’

सन्तोष ढकालले पनि गृहमन्त्रीलाई यो अवसरमा अर्को बिहे नगर्न सुझाएका छन् । उनले ‘निकिता भाउजूलाई डिभोर्स गरेर अर्की राम्री धनवाली बिहे नगर्नुहोला’ भनेका छन् । अगाडि लेख्छन्, ‘एनिभर्सरीको शुभकामना प्रिय सहकारी दादा !’

यस्तै चोटिलो व्यंग्य गर्नेमा ढकाल श्रावण पनि देखिएका छन् । उनले नेपालीमा लेखेर अंग्रेजीमा बधाई दिएका छन् । लेख्छन्, ‘ह्याप्पी एनिभर्सरी ब्रदर । फेरि आर्को बिहे गरेर नमनाउनु नि । गर्नै परे नि सहकारीबाट दाम नलिनु है !’