सुवाषको ठाउँमा अशोक, तोसिमा एमालेप्रति कोमल
दुई तिहाइ नजिकको नेपाल कम्युनिष्ट पार्टी जोगाउन नसक्ने एमाले अध्यक्ष खड्गप्रसाद ओलीबाट अन्य दललाई टुटफुट गर्ने योजना कार्यान्वयन शुरु भएको छ । यसको सुरुवाती शिकार उपेन्द्र यादव नेतृत्वको जनता समाजवादी पार्टी नेपाल भइसकेको छ । सुवास नेम्वाङको निधनपछि एमालेमा आदिवासी जनजातिको नेतृत्व खड्किएको र भएकै पृथ्वीसुब्बा गुरुङ पनि बेलाबेला रड्किने गरेका कारण राईलाई एमालेभित्र ल्याउने तयारीसाथ जसपा नेपाललाई फुटाइएको आशंका छ ।
यसैगरी जसपा नेपाल टुक्र्याएपछि मिसन ८४ को ‘प्लान बि’अनुसार एकीकृत समाजवादी, नागरिक उन्मुक्ति र राष्ट्रिय स्वतन्त्र पार्टीलाई शिकार गरिन सक्छ । यसका लागि सो पार्टीका जल्दाबल्दा नेता तथा कार्यकर्तासँग संवाद र सहकार्यलाई अघि बढाइएको बताइन्छ । यसबीच अनेकन काण्डमा फसेका रवि लामिछानेको समर्थनमा बोलेजस्तो गरी सो दललाई पूरै बदनाम गराउने र रसातलमा पु¥याउने योजनामुताविक हाल उफारेको उफा¥यै गर्ने र पछि पाहाझैँ पछार्ने योजना रहेको बारे विष्णु रिमाल, भानुभक्त ढकाल, राजन भट्टराईबीच चर्चा चल्ने गरेको च्यासलतिर सुनिन्छ । लामिछानेकै आडमा बनेको रास्वपा र स्वयं रवि नै सहकारी ठगी, पासपोर्ट र अन्य विभिन्न प्रकरणमा नाम जोडिँदा पनि सत्ता छाड्न नदिने, हामी छँदै छाैँ भन्ने प्रवृत्तिले यसैलाई पुष्टि गरेको स्रोतको दाबी छ ।
लामिछानेको बदमासीलाई ढाकछोप गर्दै हिँड्नुपर्ने भएपछि राम्रो छवि भएका रास्वपा नेता तथा कार्यकर्ता सार्वजनिक छलफल अनि कुराकानी हुँदा नाजवाफका साथै लज्जित हुने गरेका छन् । यसैको फाइदा उठाउँदै भित्रभित्रै संवाद शुरु भएको अवस्था छ । यसैअन्तर्गत गएको संसदीय निर्वाचनमा चितवनको क्षेत्र नम्बर १ बाट एमाले नेता सुरेन्द्र पाण्डेलाई हराउने रास्वपाका युवा नेता तथा सांसद हरि ढकालसँग वार्तालाप शुरु भएको बुझिएको छ । अनेरास्ववियुको सचिव रहिसकेका उनी चुनावताका एमाले छाडेर लामिछानेको रास्वपाबाट चुनाव लड्न गएका थिए ।
त्यसैगरी, ललितपुर–३ बाट विजयी डा. तोसिमा कार्की पनि एमालेतिर सफ्ट कर्नर राख्न थालेकी छन् । उनले त ‘मलाई स्वास्थ्य राज्यमन्त्री बनाएकै लामिछानेले नभएर एमाले अध्यक्ष ओलीले हो’ भन्ने गरेकी छिन् । हुन पनि एमालेबाट पदम गिरी स्वास्थ्यमन्त्री हुँदा रास्वपाबाट जितेकी उनलाई स्वास्थ्य राज्यमन्त्री बनाइएको थियो । जुन दलले क्याबिनेट मन्त्री लिन्छन्, सो मन्त्रालयको राज्य वा सहायकमन्त्री नियुक्त गर्दा पनि सोही दलकै सांसद राख्ने प्रचलन तोसिमाको हकमा तोडिएको थियो । अर्कोतर्फ सोही पार्टीका सुमना श्रेष्ठ र विराजभक्त श्रेष्ठहरू दुवै जना काठमाडौं महानगरका मेयर बालेन साह उठ्ने अवस्था शक्तिशाली देखिए उनकै पक्षबाट उम्मेदवारी दिने पक्षमा छन् । एमालेले राम्रो स्पेस दिए मिसन ८४ मा उतैबाट उठ्ने भित्री तयारी पनि छँदैछ ।
(साभार:जनआस्था साप्ताहिकबाट)
ट्रेन्डिङ पोस्ट
टिप्पणीहरू