चालक पक्रेपछि मेयर बालेन क्रुद्ध, फोहोर नउठाउने चेतावनी

काठमाडौं महानगरपालिकाका मेयर बालेन साहले सिंहदरबारको फोहोर नउठाउने चेतावनी दिएका छन् । महानगरको फोहोर बोक्ने गाडीका चार जना चालकलाई पक्राउ गरिएपछि उनले यस्तो चेतावनी दिएका हुन् । 

सामाजिक सञ्जालमा स्टाटस् लेख्दै उनले चालक रिहा नभएसम्म सिंहदरबार, सबै पार्टी कार्यालय र नेताहरुको घरको फोहोर नउठ्ने बताएका छन् । 

भनेका छन्, ‘भ्रष्टलाई समाउन सक्नुभएन, काठमाडौंमा फोहोर बोक्ने चार चालकलाई समाउनुभएछ यो सरकारले । जबसम्म स–सम्मान चालकहरु रिहा हुन्नन्, सिंहदरबारलगायत सबै पार्टी कार्यालयको र नेताहरुको घरको फोहोर उठ्दैन ।’

त्यस्तै, उनले आफूसँग जुध्न आउनेलाई नछाड्ने चेतावनी पनि दिएका छन् । बालेनले यसअघि पनि सिंहदरबार, राष्ट्रपति, प्रधानमन्त्री तथा मन्त्रीहरुको निवासबाट फोहोर उठाउन रोकेका थिए ।