विदेश गएका भिआइपीहरु रातारात फिर्ता

विभिन्न प्रयोजनमा विदेश गएका विशिष्ट पदाधिकारीहरुको गएराति स्वदेश आगमन भएको छ । सो क्रममा माओवादी नेता तथा पूर्वमन्त्री शक्तिबहादुर बस्नेत नयाँ दिल्लीबाट हिजो साँझ फर्कनुभएको छ । 

उहाँ नेपाल वायुसेवाको उडान नम्बर आरए २१८ मा सवा ७ बजे त्रिभुवन अन्तर्राष्ट्रिय विमानस्थलमा ओर्लनुभएको थियो । राति साढे ९ बजे सर्वोच्च अदालतका न्यायाधीश डा. मनोजकुमार शर्मा सिंगापुरबाट काठमाडौं आइपुुग्नुभयो । उहाँ श्रीमती उमासहित सिंगापुर एअरलाइन्सको उडान नम्बर एसक्यु ४४२ मा आउनुभएको हो । 

त्यस्तै फिलिपिन्स जानुभएका जनता समाजवादी पार्टी नेपालका अध्यक्ष तथा पूर्व उपप्रधानमन्त्री उपेन्द्र यादव पनि हिजै राति स्वदेश फर्कनुभएको छ । उहाँ मलेसियन एअरलाइन्सको उडान नम्बर एमएच ११४ मा राति साढे १० बजे आउनुभएको हो । उहाँसँगै काँग्रेस नेतृ महालक्ष्मी उपाध्याय (डिना) पनि मनिलामा आयोजित एउटै कार्यक्रममा सहभागी भएर फर्कनुभएको छ । 

उता मधेश प्रदेशका वन तथा वातावरणमन्त्री त्रिभुवन साह भिस्तारा एअरको उडानमा साँझ नयाँ दिल्ली पुगेको बताइएको छ ।