बिहानैदेखि शुरु अडिटर्सहरुको छलफलमा मन्त्री र पाहुना साँझमा पुग्दै

नेपाल अडिटर्स एसोसिएसन (अडान) ले स्थापना दिवस मनाइरहेको छ । अडानको उपत्यका प्रदेश कार्यसमितिले आयोजना गरेको १९ औं स्थापना दिवस कार्यक्रम बिहान १० बजेदेखि माइतीघरस्थित कार्की ब्याङ्क्वेटमा भइरहेको छ ।

नेपाल अडिटर्स एशोसिएसनका अध्यक्ष केदारनाथ पौडेलको अध्यक्षतामा भइरहेको ‘अडान डे’ कार्यक्रमका प्रमुख अतिथि उपप्रधानमन्त्री तथा अर्थमन्त्री विष्णु प्रसाद पौडेल हुनुहुन्छ । तर उहाँ साँझ ५ बजेपछि मात्रै त्यहाँ जाने बुझिएको छ ।

त्यस्तै विशिष्ट अथितिको रुपमा आमन्त्रित महालेखापरीक्षक तोयम राया र नेपाल राष्ट्र बैंकका गभर्नर महाप्रसाद अधिकारी पनि भोटो जात्रापछि अडानको कार्यक्रममा सहभागी हुने बताइएको छ ।