नर्वेको संसदीय टोली नेपाल भ्रमणमा
नर्वेको १३ सदस्यीय संसदीय टोली नेपाल भ्रमणमा आएको छ । भारतको नयाँ दिल्ली हुँदै टोली एअर इण्डियाको उडान नम्बर एआई २१५ मा दिउँसो साढे ३ बजे काठमाडौं आइपुगेको छ ।
टोलीमा ११ जना सांसद र दुई जना संसदीय समितिका सचिवहरु रहेको जनाइएको छ । तीमध्ये एक जना सांसद आज बिहान काठमाडौं आइपुगेका थिए ।
टोलीले सभामुख, राष्ट्रिय सभाका अध्यक्षलगायत उच्च पदस्थ सरकारी अधिकारीहरुसँग भेटवार्ता गर्ने कार्यक्रम छ । नेपाल भ्रमणपछि टाेली शुक्रबार राति सवा २ बजे कतार एअरवेजको उडान नम्बर क्युआर ६४५ मा दोहा हुँदै स्वदेश फर्कने संसद सचिवालय स्रोतले बतायो ।
टिप्पणीहरू