पुरिएको माइक्रो बसमा दुई वटा शव,ड्यामको ढोका खोल्दा घर तहसनहस

थानकोट नजिकैको झ्याप्ले खोला नजिकै पुरिएको माइक्रो बसबाट दुई वटा शव निकालिएको छ । बुटवलबाट काठमाडौं आइरहेको बस धादिङको झ्याप्ले खोला नजिकै पहिरोमा पुरिएको थियो । बसमा १३ जना सवार रहेको बताइन्छ । 

आज बिहानीपख कुलेखानी ड्यामको दुई वटा ढोका खोल्दा मकवानपुरको सिस्नेरीका ३० वटा घरमा क्षति पुगेको स्थानीयको भनाइ छ ।

अस्तिदेखिको लगातारको वर्षापछि आएको बाढी,पहिरो र डुबानमा परेर ६६ जनाको निधन भएको छ । धेरै वटा राजमार्ग र सडकमा क्षति पुगेको छ । बेपत्ता,घाइते र क्षतिको पूर्ण विवरण आइसकेको छैन ।