झ्याप्ले खोला अपडेट : २९ जनाको शव निकालियो
धादिङको धुनिवेसी नगरपालिका–९ स्थित झ्याप्ले खोलामा पहिरोले पुरिएका २९ जनाको शव निकालिएको छ ।
सशस्त्र प्रहरी बल नेपालका प्रवक्ता कुमार न्यौपानेले अहिलेसम्म २९ वटा शव फेला परेको जानकारी दिएका हुन् । ती शव विंगर भ्यान र बसभित्रबाट निकालिएको उनले बताए ।
झ्याप्ले खोलामा हिजो आएको पहिरोमा परेर गाडीसहित यात्रु पुरिएका थिए । गोरखाबाट काठमाडौंतर्फ आउँदै गरेको बससहित विंगर भ्यान र मिनी बस पहिरोमा पुरिएको अनुमान गरिएको छ ।
अहिले सशस्त्र प्रहरी, नेपाली सेना र नेपाल प्रहरीसहितको टोली उद्धार कार्यमा खटिएको छ ।
ट्रेन्डिङ पोस्ट
टिप्पणीहरू