रातभर अवरुद्ध अरनिको राजमार्ग एकतर्फी खुला

सुख्खा पहिरोले खसेपछि अवरुद्ध भएको अरनिको राजमार्ग एकतर्फी खुलेको छ । 

काभ्रेको पाँचखालस्थित पचासकिलो भन्ने स्थानमा गएराति पहिरो खसेपछि राजमार्ग पूर्णरुपमा अवरुद्ध भएको थियो ।  उक्त पहिरो पन्छाएपछि आज बिहानदेखि सडकमा एकतर्फी गाडी चल्न थालेका हुन्।

स्थानीय निकाय र सडक विभागसँग समन्व्य गरेर पहिरो एकतर्फी रुपमा हटाइएको छ । सडक दुईतर्फी नै खुलाउने प्रयास भइरहेको प्रहरीले जनाएको छ । 

हिजो रातभर सडक अवरुद्ध हुँदा दशैँको टीका लगाउन आफन्तकहाँ जाने र घर फर्कनेहरुले सास्ती पाएका छन् ।