भारतबाट तोकिए नेपालीको मन जित्ने मान्छे

सत्तारुढ भारतीय जनता पार्टी महाराष्ट्र राज्य कमिटीले आज दिउँसो  "भाजपा नेपाली प्रकोष्ठ कमिटी" गठन गरेको छ। राज्य अध्यक्ष तथा पूर्व राज्यमन्त्री चन्द्रशेखर बाबनकुळेले महाराष्ट्र बस्ने प्रवासी नेपालीलाई लक्षित गरेर राज्यस्तरीय कमिटीकाे संयाेजक ताेकेका हुन् ।

उनले संयाेजककाे जिम्मेवारी अछाम घर भई दशकाैँदेखि मुम्बईमा बस्दैआएका भाजपाका सक्रिय कार्यकर्ता धिरेन्द्र सिंहलाई दिएकाे पत्रमार्फत् जनाएका छन् ।

राज्यभर छरिएका प्रवासी नेपालीलाई भाजपामा एकीकृत गर्ने र नेपाली श्रमिकका समस्या समाधानको लागि भाजपासँग समन्वय गर्ने उनले बताएका छन् । 'सम्पूर्ण नेपाली समाजका तर्फबाट भाजपा पार्टीलाई बधाई छ,' भाजपा राज्य अध्यक्षकाे पत्र पाएपछि उनले भने ।

भाजपा नेपाली प्रकोष्ठ कमिटी गठन गर्नमा भाजपा आमदार विजय (भाइ) गिरकरको महत्वपूर्ण योगदान रहेको सिंहले बताएका छन् ।