कांग्रेस-एमाले मिलेको ठाउँमा माओवादी उम्मेदवार निर्विरोध
नेकपा माओवादी केन्द्रले रुकुम पूर्वमा खाता खोलेको छ । पुथाउत्तरगंगा गाउँपालिका–२ को अध्यक्षमा माओवादीका उम्मेदवार जगत घर्ती निर्विरोध निर्वाचित भएका हुन् ।
मंसिर १६ गते हुने स्थानीय तहको उपनिर्वाचनमा नेपाली काँग्रेस र नेकपा एमालेका तर्फबाट संयुक्त उम्मेदवार जीवन रोकाले उम्मेदवारी फिर्ता लिएपछि उनी निर्विरोध निर्वाचित भएको माओवादीका केन्द्रीय सदस्य एवं प्रतिनिधिसभा सदस्य पूर्णबहादुर घर्तीले बताए ।
‘नेपाली काँग्रेस र नेकपा एमालेको तर्फबाट उम्मेदवार बनेकाले आफ्नो उम्मेदवारी फिर्ता लिएका छन् । त्यसैले पालिकामा माओवादी निर्विरोध निर्वाचित भएको हो’,उनले भने ।
पुथाउत्तरगंगाको उपाध्यक्षमा पनि कांग्रेस र एमालेले गठबन्धन गरेका छन् । जसअनुसार एमालेकी केशकुमारी तुलाचनले कांग्रेसको रुख चिह्नमा उम्मेदवारी दर्ता गराएकी छन् ।
ट्रेन्डिङ पोस्ट
टिप्पणीहरू