आजदेखि ओमानी रियालको किनबेच

आजदेखि नेपालमा २२ मुलुकका मुद्रा खरिद बिक्री हुन थालेको छ । हिजोसम्म २१ मुलुकका मुद्राको खरिद बिक्री हुँदै आएकोमा नेपाल राष्ट्र बैंकले आजदेखि विनियम दर तोकिएको सूचीमा ओमानको मुद्रालाई समावेश गरेको छ । 

ओमानी रियालको खरिद बिक्रीको थालनीपछि वैदेशिक रोजगारीमा त्यहाँ पुगेका नेपाली र तिनका परिवारलाई थप सहज भएको बताइन्छ । बैंकले एकीकृत परिपत्र, २०८० मा संशोधन गरेर ‘ओमानी रियाल’ को नेपालमा कारोबार शुरु गरेको हो । 

ओमानी रियालको आजको खरिद दर ३०१ रुपैयाँ ४९ पैसा र बिक्री दर ३०३ रुपैयाँ ८ पैसा तोकिएको छ ।