पेस्तोल बोकेर मोटरसाइकल चोर्न हिँडेका सद्दाम हुसेन

अवैध पेस्तोल बोकेर हिँडेका सद्दाम हुसेन फकिर कपिलवस्तुमा समातिएका छन् । मायादेवी गाउँपालिका–६, बडसुडवाका २१ वर्षे फकिरलाई इलाका प्रहरी कार्यालय, पकडीको टोलीले नियन्त्रणमा लिएको बताइएको छ ।

उनले कम्मरमा लुकाईछिपाई राखेको अवस्थामा कालो रंगको ४.५ मिलिमिटर क्यालिबरको ‘डेन्जर टोय एअर’ लेखेको पेस्तोल फेला परेको हो । पेस्तोलसँगै ४३ थान छर्रा, छ थान धमाका र एक थान मोबाइल पनि बरामद भएको छ । 

फकिरलाई मोटरसाइकल चोर्न पेस्तोल बोकेर हिँड्दै गरेको अवस्थामा प्रहरीले नियन्त्रणमा लिएको हो ।