युवतीको हातेझोला भरी कोकिन
केन्याबाट दोहा हुँदै काठमाडौँ आएकी एक युवती लागूऔषधसहित पक्राउ परेकी छन् ।
आज अपरान्ह कतार एयरवेजको उडान नम्बर क्यूआर–६४६ मा काठमाडौँ ओर्लिएकी केन्याली नागरिक चिलियन केरुबो ओगिटो झण्डै सात किलो कोकिनसहित विमानस्थल भन्सार नजिकैबाट पक्राउ परेकी हुन् ।
चेकजाँचको क्रममा कन्याली राहदानी नम्बर बीके ४३९३३७ बाहक उनको हाते झोलाभित्र खेलौनामा लुकाएर राखेको अवस्थामा ६.८४० केजी (३०९ पिस ) कोकिन फेला परेको भन्सार कार्यालयले जनाएको छ ।
उनलाई नियन्त्रणमा लिएर आवश्यक सोधपुछ गरिएको थियो । त्यसपछि थप अनुसन्धान तथा कारबाहीका लागि महानगरीय प्रहरी वृत्त गौशाला पठाएको छ ।
टिप्पणीहरू