गृहमन्त्रीको पिए बनेर थर्काउँदै हिँडेका विष्ट प्रहरी खोरमा

गृहमन्त्री रमेश लेखकको ‘पिए हुँ’ भन्दै विभिन्न निकायमा फोन गरेर धम्क्याउने एक व्यक्तिलाई प्रहरीले पक्राउ गरेको छ ।

गृहमन्त्रीको नाममा विभिन्न प्रशासनिक निकायमा फोन गरेर फाइदा उठाउन खोज्ने बैतडीको भूमेश्वर गाउँपालिका–७ का २६ वर्षीय करनसिंह विष्ट आज काठमाडौंमा समातिएका हुन् । नक्कली पीए विष्टलाई नियन्त्रणमा लिएर अनुसन्धान शुरु गरेको प्रहरीले जनाएको छ । 

पिएको भेषमा अनावश्यक दबाब दिएर फोन गर्न थालेपछि गृहमन्त्री लेखकको सचिवालको आग्रहमा विष्टलाई पक्राउ गरिएको जनाइएको छ । सचिवालयले विभिन्न क्षेत्रमा पिए÷सल्लाहाकार हुँ भन्दै फोन गर्ने व्यक्तिहरुबाट सतर्क रहन आग्रह गरेको छ ।