‘पुष्पा २’ ले ११ सय करोड कमाएपछि सुपरस्टार पक्राउ

चर्चित भारतीय अभिनेता अल्लु अर्जुन पक्राउ परेका छन् । उनलाई हैदरावाद प्रहरीले नियन्त्रणमा लिएको जनाइएको छ । 
 

अल्लु अभिनित चलचित्र ‘पुष्पा २’ हलमा प्रदर्शन भइरहेको छ । एक साताअघि सन्ध्या थियटरमा चलचित्रको प्रिमियर आयोजना गरिएको थियो । त्यहाँ भागदौड मच्चिँदा एक महिलाको मृत्यु भएको थियो । 

उक्त प्रकरणमा थियटर सञ्चालक र कर्मचारीलाई प्रहरीले नियन्त्रणमा लिइसकेको छ । अल्लुलाई पनि सोधपुछको लागि नियन्ञणमा लिइएको प्रहरीले जनाएको छ । 

त्यतिबेला प्रिमियरमा अल्लुका प्रशंसकहरुको चर्को भीड लागेकाले प्रहरीले लाठीचार्ज नै गर्नुपरेको थियो । घाइते कतिपयको हालसम्म अस्पतालमा उपचार भइरहेको छ ।

अल्लुको ‘पुष्पा २’ ले ११ सय करोडभन्दा बढी कलेक्सन गरिसकेको छ । अझै पनि हलहरुमा यसको व्यापार आक्रामक नै देखिन्छ । नेपालमा मात्रै उक्त चलचित्रले साढे पाँच करोड कलेक्सन गरेको बताइन्छ ।