एनपीएल जित्नेलाई नगद एक करोड १० लाख
नेपाल प्रिमियर लिग (एनपिएल)को विजेता टिमले एक करोड १० लाख नगद पाउने भएको छ । नेपाल क्रिकेट संघ (क्यान) ले आज एक विज्ञप्ति जारी गर्दै एनपिएलको पुरस्कार राशी घोषणा गरेको हो ।
एनपिएलमा उपविजेता टिमले ५१ लाख नगद प्राप्त गर्ने क्यानका प्रवक्ता छुम्बी लामाले जानकारी दिए । उनका अनुसार तेस्रो हुने टिमले २५ लाख र चौथो टिमले १५ लाख पाउनेछन् ।
त्यस्तै, एनपिएल अवधिभर उत्कृष्ट प्रदर्शन गर्ने एक खेलाडीलाई शारडा समूहले कार प्रदान गर्ने घोषणा गरिसकेको छ ।
लिग चरणका खेलहरु सकिएको एनपिएलमा भोलिबाट प्लेअफका खेलहरु हुँदैछन् । सुदुरपश्चिम रोयल्स, कर्णाली याक्स, चितवन राइनोज र जनकपुर बोल्ट्स उपाधीका लागि भिड्दैछन् ।
टिप्पणीहरू