जनकपुर बोल्ट्सलाई सुदूरपश्चिम रोयल्सको १ सय ८५ रनको लक्ष्य
नेपाल प्रिमियर लिग (एनपीएल) को आज भइरहेको फाइनल खेलमा सुदूरपश्चिम रोयल्सले र जनकपुर बोल्ट्सलाई १ सय ८५ रनको लक्ष्य दिएको छ । कीर्तिपुरस्थित त्रिभुवन विश्वविद्यालयको क्रिकेट खेल मैदानमा भइरहेको खेलमा सुदूरपश्चिमले टस जितेर ब्याटिङ रोजेको थियो ।
सुदूरपश्चिम रोयल्सले २० ओभरमा ९ विकेट गुमाएर १ सय ८४ रन बनाएको छ । ओपनरद्वय सैफ अलि जेब र बिनोद भण्डारीले पहिलो विकेटका लागि एक सय १७ रनको साझेदारी गरेका छन् ।
सैफ अलि जेबले अर्धशतकीय पारी खेले । उनले ४३ बलमा आठ चौका र दुई छक्काको सहारामा ६९ रन बनाएका हुन् । बिनोद भण्डारीले ३१ बलमा एक चौका र तीन छक्कासहित ४१ रन बटुले ।
सुदूरपश्चिमका लागि अन्य ब्याटरले उल्लेख्य रन बनाउन सकेनन् । जनकपुरका लागि किशोर महतो र मोहम्मद मोहसिनले तीन/तीन विकेट, जिमी निशम र ललित राजवंशीले एक/एक विकेट लिएका छन् ।
टिप्पणीहरू