पेस्तोल बोकेका युवक किन पसे होटलमा ?
प्रहरीले पेस्तोलसहित एक जनालाई नियन्त्रणमा लिएको छ । काठमाडौं उपत्यका अपराध अनुसन्धान कार्यालयबाट सादा पोशाकमा खटिएको टोलीले कोटेश्वरस्थित होटेल विश्पुलको कोठा नम्बर ४०१ बाट ३३ वर्षीय सनराइज खड्कालाई पक्राउ गरेको हो ।
सानो हतियारको कारोबार भइरहेको भन्ने गोप्य सूचनाको आधारमा टोली परिचालन भएको थियो । आज बिहान होटलमा छापा मार्दा एक थान नौं एमएमको पेस्तोल, म्यागजिन एक थान, गोली नौं राउण्डसहित उनलाई समातिएको कार्यालयले जनाएको छ ।
कार्यालयका अनुसार नरेफाँट घर भएका खड्कामाथि थप अनुसन्धान भइरहेको छ ।
टिप्पणीहरू