गुप्तचरका गुप्त कुरा ?
अरुलाई ऐन, हाकिमको आशिर्वादप्राप्त हुनेलाई चैन भन्ने कहावत गुप्तचर विभागमा चरितार्थ भएको छ । कमाण्ड परिवर्तनको क्रममा हेटौँडा तालिम केन्द्रका एसएसपी अर्जुन भण्डारीबाहेक चार जनाको जिम्मेवारी फेरिएको छ ।
नवीन अधिकारीको नयाँ दिल्लीस्थित नेपाली राजदूतावासमा पोस्टिङ भएको छ । चन्द्र यादवलाई सुरक्षा परिषद्बाट ललितपुर पठाइएको छ । एयरपोर्टका गुप्तचर प्रमुख पप्पु शर्मालाई विभागमा सरुवा गरिएको छ भने विभागमा कार्यरत नरेश शाहलाई त्रिभुवन अन्तर्राष्ट्रिय विमानस्थलमा पठाइएको छ । रिवेन गच्छदारलाई काठमाडौं सिडियो कार्यालयमा खटाइएको छ ।
हेटौडामा रहेका एसएसपी अर्जुन भण्डारीलाई भने चार वर्ष एउटै ठाउँमा भए पनि सरुवा गरिएको छैन । यसैबीच पाँच जना एसपीमा बढुवा भएका छन् । सरुवा र बढुवाको रन्कोमा अनुसन्धान बिभाग प्रमुख हुतराज थापाका पिए इन्स्पेक्टर रुस्तमले लोक सेवाको जाँच पास गरी लेखा अधिकृत हुन जागिर छोडेका छन् ।
टिप्पणीहरू