राप्रपाको चियापानमा प्रधानमन्त्री, त्यसअघि माल्यार्पण

राष्ट्रिय प्रजातन्त्र पार्टी (राप्रपा) ले पृथ्वीनारायण शाहको ३०३ औं जन्मजयन्ती तथा राष्ट्रिय एकता दिवसको उपलक्ष्यमा आयोजना गरेको चियापान कार्यक्रममा प्रधानमन्त्री केपी शर्मा ओली पुग्नुभएको छ । राप्रपाले भृकुटीमण्डपमा आयोजना गरेको जलपानमा विभिन्न दलका शीर्ष नेताहरु, मन्त्री पनि पुगेका छन् ।

समारोहमा काँग्र्रेस सभापति शेरबहादुर देउवा, एकीकृत समाजवादीका अध्यक्ष माधवकुमार नेपाल, रास्वपा कार्यवाहक सभापति डिपी अर्याल, सभामुख देवराज घिमिरे, गृहमन्त्री रमेश लेखक, परराष्ट्रमन्त्री डा. आरजू राणा देउवालगायतको उपस्थिति छ ।

चियापानअघि राप्रपा अध्यक्ष राजेन्द्र लिंगदेनसहितका नेताहरुले दरबारमार्गदेखि सिंहदरबारसम्म र्याली र त्यसपछि पृथ्वीनारायण शाहको शालिकमा माल्यार्पण गरेका थिए ।