सञ्चार उद्यमीका भाइ एक नम्बरमा

नेपाल प्रहरीका २५ जना एसपीलाई एसएसपीमा बढुवाको लागि सिफारिस गरिएको छ । गृह मन्त्रालयको बढुवा सिफारिस समितिले उनीहरुलाई पदोन्नतीमा सिफारिस गरेको हो ।

बढुवा सिफारिसको पहिलो नम्बरमा एसपी रमेश थापा छन् । हाल प्रहरी प्रधान कार्यालयको अन्वेषण, योजना तथा विकास निर्देशनालयमा कार्यरत उनी ८४.९ अंकभारसहित सिफारिसको पहिलो नम्बरमा परेका हुन् । उनी सञ्चार व्यवसायी रामेश्वर थापाका भाइ हुन् । 

गत असार १७ गते मध्यरातमा एमाले अध्यक्ष तथा प्रधानमन्त्री केपी शर्मा ओली र नेपाली काँग्रेसका सभापति शेरबहादुर देउवाको भेटघाट यिनै रामेश्वरको घरमा भएको थियो । त्यही भेटघाटले माओवादीलाई सत्ता बाहिर र एमालेलाई भित्र ल्याउने काम गरेको हो ।