न्युरोडमा ‘गणतन्त्र मुर्दावाद’ को नारा

राजतन्त्र पुनर्बहालीको माग गर्दै काठमाडौंमा र्याली र कोणसभा गरिएको छ । आज मध्यान्ह न्युरोडबाट निकालिएको र्यालीमा ‘राजा आउ, देश बचाउ’को नारा घन्काइएको छ ।

राष्ट्रवादी नागरिक समाजको आयोजनामा राजतन्त्र पुनर्बहाली महाअभियानले आफ्नो १६ औं वार्षिकोत्सवको अवसरमा र्याली निकालेको हो । समाजका अध्यक्ष चन्द्रबहादुर रामदामको नेतृत्वमा आयोजित र्यालीमा पदाधिकारी र सदस्यहरुको सहभागिता थियो । 

उनीहरुले पूर्वराजाको फोटोसहित विभिन्न नारा लेखिएको प्लेकार्ड बोकेका थिए । न्युरोडबाट निस्केको र्याली महाबौद्ध हुँदै असनचोक पुगेर कोणसभामा परिणत भएको हो ।

सहभागीहरुले ‘राजा आउ देश बचाउ’, ‘गणतन्त्र मुर्दावाद राजतन्त्र जिन्दावाद’, ‘श्री ५ ज्ञानेन्द्र जिन्दावाद’, ‘हिन्दू राष्ट्र कायम गर’ नारा लगाएका थिए ।