स्वर्गलोकमा महिला मृत फेला

हेटौंडामा एक महिला मृत फेला परेकी छन् । हेटौंडा उपमहानगरपालिका १, स्वर्गलोकमा गएराति १२ बजेतिर एकजना महिला मृत अवस्थामा फेला परेकी हुन् । 

जिल्ला प्रहरी कार्यालय मकवानपुरका अनुसार मृतक मनहरी गाउँपालिका ३, हाँडीखोलाकी ३७ वर्षीया सीता ब्लोन हुन् । स्थानीय लिलामणि पौडेलको घर अगाडिको बरण्डामुनि उनको शव फेला परेको हो । 

उनी पुराना र कवाडी सामग्री टिप्ने काम गर्थिन् । श्रीमान पनि घटनास्थलमै भेटिएकाले आवश्यक अनुसन्धान भइरहेको जिल्ला प्रहरी कार्यालय मकवानपुरले जनाएको छ ।