सामुदायिक वनमा लागेको आगोले गजुरीका दुई घर नष्ट

धादिङको गजुरीस्थित सामुदायिक वनमा लागेको डढेलोले दुई घर जलेर नष्ट भएका छन् । वनको आगो बस्तीमा पसेपछि अवस्था भयावह भएको बताइन्छ । 

स्थानीय वित्लव सामुदायिक वनको डढेलोले चनमती विश्वकर्मा र खुमराज विश्वकर्माको घरसँगै गोठ पनि जलेको छ । गोठमा रहेका तीन वटा बाख्रा पनि आगोमा परेका छन् ।

हिजो दिउँसो सल्केको आगो रातिदेखि बस्तीमा पसेको हो ।