अमेरिकी राजदूत अर्थ मन्त्रालयमा, उरुग्वेका ऊर्जामा

उपप्रधान तथा अर्थमन्त्री विष्णु पौडेलसँग नेपालका लागि संयुक्त राज्य अमेरिकाका राजदूत डिन आर थम्पसनले भेटवार्ता गरेका छन् । राजदूत थम्पसनले मन्त्री पौडेलसँग बिहान साढे ९ बजेदेखि झण्डै ४५ मीनेट छलफल गरेको बताइएको छ । कुराकानीको विस्तृत विवरण खुलाइएको छैन ।

आजै नेपालका लागि उरुग्वेका गैरआवासीय राजदूत अल्बट्रोए गुआनीले ऊर्जा, जलस्रोत तथा सिँचाइमन्त्री दिपक खड्कासँग भेट गरेका छन् । मन्त्री खड्कासँग दिउँसो साढे १ बजे मन्त्रालय पुगेका राजदूत करिब आधा घण्टामा बाहिरिएका हुन् । उक्त भेटवार्तामा भएको विषयबारे पनि जानकारी दिइएको छैन ।