प्रधानमन्त्रीको आग्रहमा डा. रुइतद्वारा असमर्थता व्यक्त

प्रधानमन्त्री सुशीला कार्कीले मन्त्री बनेर सरकारलाई सहयोग पुर्याउन गर्नुभएको आग्रह वरिष्ठ नेत्र रोग विशेषज्ञ डा. सन्दुक रुइतले अस्वीकार गर्नुभएको छ । आफ्नो नेतृत्वको सरकारमा सहभागी हुनेबारे छलफल गर्न बिहान १० बजे डा. रुइत कार्यरत तिलगंगास्थित आँखा अस्पताल पुग्नुभएका प्रधानमन्त्रीले अहिलेको विशेष परिस्थितिमा सहयोग गर्न आग्रह गर्नुभएको बताइन्छ ।

करिब ४५ मीनेट भएको छलफलमा डा. रुइतले आफूले सरकारलाई सहयोग गर्ने तर मन्त्री बन्न नसक्ने अवस्थाको जानकारी गराउनुभएको छ । उहाँले आफू अस्पतालको काम र बिरामीलाई छाडेर सरकारमा जान नमिल्ने धरणा राख्नुभएको थियो ।

पछिल्लो समय जेन जी विध्वंशमा संलग्न हामी नेपाल नामक संस्थासँग डा.रुइत आवद्ध बारबरा फाउण्डेसनको निकटताबारे आलोचना भएपछि उहाँले त्यबारे स्पष्टिकरण दिनुभएको छ । हामी नेपाललाई अन्य धेरै व्यापारिक संघ संस्थाले आर्थिक सहयोग गरेका विवरणहरु बाहिर आइरहेका छन् ।