घाइतेमध्ये ५० जनाको अपरेसन गरिएको सिभिलमा एक दर्जनको दोहोर्याइयो

जेन–जी ध्वंशका क्रममा घाइते भएका साढे तीन सयभन्दा बढी काठमाडौंको मीनभवनस्थित निजामती कर्मचारी अस्पतालबाट डिस्चार्ज भएका छन् । घाइते भएपछि अस्पताल लगिएका चार सय ६१ जनामध्ये तीन सय ६६ जना सामान्य उपचार पश्चात् डिस्चार्ज भएका हुन् । 

अस्पतालका अनुसार ४४ जनालाई अन्य अस्पतालमा रेफर गरिएको छ । त्यस्तै, ५१ जना अस्पतालमा भर्ना भएकोमा ४२ जना डिस्चार्ज भइसकेको र हाल नौ जना उपचाररत छन् ।

भर्ना भएकामध्ये ५० जनाको शल्यक्रिया गर्नुपरेको अस्पतालको भनाइ छ । त्यसमा पनि ११ जनाको पुनः शल्यक्रिया गरिएको थियो । उपचारका क्रममा ६ जनाको निधन भएको थियो । 

जेन–जी ध्वंशमा ७३ जनाले ज्यान गुमाएका छन् । घाइते सयौंको विभिन्न अस्पतालमा उपचार भइरहेको छ ।