बालेनले किसानको अपमान गरेकाले माफी माग्नुपर्ने महासंघको ठहर

काठमाडौं महानगरपालिकाका मेयर बालेन्द्र साह (बालेन) ले किसानको अपमान गरेको भन्दै अखिल नेपाल किसान महासंघले माफी माग्न चेतावनी दिएको छ । बालेनले गएराति आफ्नो सामाजिक सञ्जाल फेसबुकमा लेखेको स्टाटसमा किसानलाई फोहोर भनिएकोप्रति खेद व्यक्त गरिएको छ । 

महासंघले विज्ञप्ति जारी गर्दै उनलाई आफ्नो स्टाटस हटाउन र किसानसँग माफी माग्न माग गरेको छ । मेयरजस्तो जिम्मेवार पदमा आसिन व्यक्तिबाट यस्तो अपमानजनक भनाइ व्यक्त हुनुले किसानको स्वाभिमानमा चोट पुगेको महासंघको ठहर छ । 

‘मुलुकको प्रमुख र आधारभूत उत्पादक शक्तिका रुपमा रहेका आम किसान समुदायलाई अपमानित गर्ने, होच्याउने र उनीहरुको स्वाभिमानमा चोट पुग्नेगरी दिइएको अभिव्यक्तिप्रति महासंघ घोर भत्र्सना र निन्दा गर्दछ,’ विज्ञप्तिमा भनिएको छ, ‘मेयर साहलाई अभिलम्ब आफ्नो स्टाटस हटाउन र किसानसँग माफी माग्न सूचित गरिएको छ ।’ अन्यथा, उनीविरुद्ध थप कदम उठाउने महासंघको चेतावनी छ ।