थप ८ सय ४३ जनामा संक्रमण, ५ जनाको ज्यान गयो

गत २४ घण्टामा थप ८ सय ४३ जनामा कोरोना भाइरसको संक्रमण पुष्टि भएको छ । स्वास्थ्य तथा जनसंख्या मन्त्रालयले आज देशभर उक्त संख्यामा संक्रमित फेला परेको जानकारी दिएको हो ।

मन्त्रालयका अनुसार गत २४ घण्टामा गरिएको ५ हजार ३ सय ३३ पीसीआर परीक्षणमा ७ सय ६८ जनामा र ६ सय ७१ एन्टिजेन परीक्षणमा ७५ जनामा संक्रमण  भेटिएको हो ।

पछिल्लो २४ घण्टामा २ सय २६ जना कोरोना भाइरस संक्रमणमुक्त भएका भने ५ जनाको मृत्यु भएको छ ।

योसँगै देशभर कोराना संक्रमितको संख्या २ लाख ८३ हजार ६ सय ५८ पुगेको छ। त्यस्तै, २ लाख ७५ हजार ३८ जना संक्रमणमुक्त बहेका छन् भने ३ हजार ७५ जनाले कोरोनाका कारण ज्यान गुमाएका छन् ।