हिजो काठमाडौंबाट कति उडे ?

कोरोना महामारीका कारण लगाइएको निषेधाज्ञाको प्रभाव वायुसेवा उडानमा परेको छ ।

काठमाडौंबाट बुधबार विभिन्न मुलुकमा २८ अन्तर्राष्ट्रिय उडान भएको थियो । त्यो दिन आगमन भन्दा प्रस्थान गर्नेको संख्या बढी रहेको त्रिभुवन अन्तर्राष्ट्रिय विमानस्थल कार्यालयले जानकारी दिएको छ ।

बुधबार नेपालबाट ३ हजार ७ सय ९९ जना विभिन्न मुलुकमा गएका छन् भने अन्यत्रबाट नेपाल आउनेको संख्या २ हजार २ सय ११ रहेको छ । बिहीबार मध्यरातसम्म उडान हुने भएकाले यसको विवरण शुक्रबार मात्र प्राप्त हुने बताइएको छ ।

निषेधाज्ञाको समयमा स्वास्थ्य सुरक्षाका मापदण्ड पालना गरेर सोमबारसम्म आन्तरिक तथा वाह्य दुबै उडान भएपनि सोमबार राति १२ बजेदेखि आन्तरिक उडान बन्द गरिएको छ भने आजबाट वाह्य उडान पनि पूर्णरुपमा बन्द हुँदैछन् ।