योगेश भट्टराईको जिल्लामा युवक बेपत्ता

-कमल भट्टराई

ताप्लेजुङ्को पूर्वी याङ्रुप क्षेत्र सिदिङवा गाउँपालिका ६ मेहेले बस्ने १९ वर्षका दिनेश चौहान आज ज्येष्ठ १८ गते बिहान ११ बजे कावेलीखोलाको आम्बेगुदिन र मेहेले जोड्ने निर्माणाधीन पुलको छेउमा पौडी खेल्दाखेल्दै बेपत्ता भएका छन् ।

तेल्लोक र आम्बेगुदिनमा रहेका प्रहरीहरु खोजीकार्यमा खटिए पनि पत्तालगाउन नसकिएपछि भोलि सशस्त्र प्रहरीको अनुभवी टोली सहित खोजी गरिने जिल्ला प्रहरी कार्यालय ताप्लेजुङले जनाएको छ ।