रक्सी र चुरोट मात्रै चोर्ने गजबको चोर

उदयपुरको चौदण्डीगढी नगरपालिकाको वडा नं. ६ बेल्टारमा रहेको सजिलो डिपार्टमेन्ट स्टोरबाट मदिरा र चुरोट चोरी भएको छ । मदिरा डिपार्टमेन्टका संचालक मिलन राईका अनुसार डिस्प्लेमा राखिएको मदिरा र चुरोट चोरी भएको शंका लागेर चेक सिसिटिभी जाँच गर्दा यो घटना बाहिर आएको हो ।

ती सामग्री स्थानीय अन्दाजी बर्ष २५ का राजेश ठाकुरले पैसा नतिरी लगेको पाइएको हो । सो फुटेज हेर्दा ठाकुरले सो स्टोरबाट रेडलेवल 5cl – ५ बोतल, ब्ल्याक लेवल 5cl – १ बोतल, सुर्य चुरोट – ८० प्याकेट, सिखर चुरोट- ७३ प्याकेट, खुकुरी चुरोट -६२ प्याकेट, बिजुली चुरोट – ६४ प्याकेट, पाइलट चुरोट – ३ प्याकेट, ब्ल्याओक375ml – ६ बोतल, गोल्डेन ओक180ml – १ बोतल स्टकबाट ओसारेको पाइएको छ।

अहिले आरोपित ठाकुरलाई प्रहरीले नियन्त्रणमा लिएर अनुसन्धान सुरु गरेको छ। ती सामानहरूको बजार मूल्य अन्दाजी एक लाख बराबरको छ । चोरी भएपछि हाल डिपार्टमेन्टका संचालक मिलन राईले डिपार्टमेन्टको सम्पुर्ण स्टोक चेक र फुटेज समेत चेक गर्ने कार्यलाई तिब्रता बनाउनु भएको छ।