पोखरीमा डुबेर पाँच वर्षीया बालिकाको मृत्यु

सप्तरीको महादेवा गाउँपालिका २ को एक पोखरीमा डुबेर आज एक बालिकाको मृत्यु भएको छ । मृत्यु हुनेमा सोही स्थान बस्ने अनिल मण्डलकी पाँच वर्षीया छोरी अपेक्षाकुमारी मण्डल हुन् ।

उनी पोखरीको डिलमा बसेर नुहाउँदा खुट्टा चिप्लिएर पोखरीमा डुबेको बताइन्छ । पोखरीमा डुबेकी बालिकालाई तत्कालै त्यहाँ रहेका अन्यले उद्धार गर्दै गजेन्द्रनारायण सिंह अस्पताल राजविराज ल्याउँदै गर्दा बाटैमा मृत्यु भएको जिल्ला प्रहरी कार्यालय सप्तरीका डिएसपी माधवप्रसाद काफ्लेले बताउनु भयो ।

मृतक बालिकाको पोष्टमार्टम राजविराजस्थित अस्पतालमा भइरहेको छ । उनी आफन्तलाई पछ्याउँदै नुहाउन घर नजिकैको पोखरीमा पुगेकी थिइन् ।