संयुक्त राष्ट्र संघको प्रतिष्ठित पुरस्कार भारतका जलवायु अभियन्तालाई

यस वर्षको संयुक्त राष्ट्र संघको प्रतिष्ठित अवार्डबाट भारतका जलवायु अभियन्ता श्यामसुन्दर ज्यानी पुरस्कृत भएका छन् । उनी ‘ल्याण्ड फर लाइफ अवार्ड’ बाट पुरस्कृत भएका हुन् । उक्त पुरस्कार बिहीबार युएन कन्भेन्सन टु कमब्याट डिसेरिफिकेशन (यूएनसीसीडी) द्वारा सार्वजनिक गरिएको हो ।

राजस्थानको बिकानेरमा समाजशास्त्रका प्रोफेसर श्यामसुन्दर १५ वर्षभन्दा बढी समयदेखि फमिलयल फरेस्ट्री अर्थात् पारिवारिक वनको लागि निकै ठूलो अभियान चलाउदै आएका छन् ।

युएनसीसीडीले उक्त अभियानलाई ‘श्याम सुन्दर ज्यानीको अद्वितीय अवधारणा जसले एक रूखलाई परिवारसँग सम्बन्धित गर्दै यसलाई हरियो परिवारको सदस्य बनाउँछ’ भन्दै प्रशंसा गरेको छ ।

उनलाई युएनसीसीडीले संसारभरिका १२ जना उम्मेदवारमध्ये ‘ल्याण्ड फर लाइफ अवार्ड २०२१’ को लागि छनोट गरेको हो ।

सन् २०११ मा यूएनसीसीडी सीओपी (कन्फेरेन्स अफ पार्टीज) ले शुरू गरेको ‘द ल्याण्ड फर लाइफ अवार्ड’ लााई भूमि संरक्षण र पुनस्र्थापना सम्बन्धमा विश्वकै सर्वोच्च र प्रतिष्ठित पुरस्कारको रूपमा लिइन्छ ।

यस वर्षको विषयवस्तु ‘स्वस्थ भूमि, स्वस्थ जीवनहरू’ रहेको छ । पुरस्कृत भएपछि ज्यानीले भनेका छन् ‘मरुभूमि राजस्थानबाट सुन्दर हरियो राजस्थानतर्फको यात्रा मेरो लागि सपना हो, यस दिशामा फमिलयल अभियान मेरो समर्पित प्रयास हो ।’