बालबालिकाको व्यक्तित्व विकासदेखि तल्लो तहसम्म काम गर्ने स्काउटको दाबी

नेपाल स्काउटका अध्यक्ष लोकबहादुर भण्डारीले बालबालिकाको व्यक्तित्व विकासका लागि स्काउटले विद्यालयको तल्लो तहसम्म पुगेर काम गर्ने बताउनुभएको छ ।

स्काउटको ७० औँ स्थापना दिवसको अवसरमा कुरा गर्दै भण्डारीले बालबालिकाको व्यक्तित्व विकास गर्दै सफल व्यक्ति बन्न स्काउटको आवश्यकता रहेको यथार्थलाई विद्यालयको तल्लो तहसम्म पुगेर बुझाउने बताउनुभएको हो ।

उहाँले विद्यालय तहको पाठ्यपुस्तकमा समेत स्काउटको बारेमा राखिएको र बजेटमा समेत स्काउटलाई विद्यालयमा पु¥याउने कुरा आएको उल्लेख गर्दै शिक्षकहरुलाई तालिम दिएर विद्यार्थीहरुमा स्वयमसेवीको भावना जगाउने बताउनुभयो ।

अध्यक्ष भण्डारीले समाजमा स्काउटको आवश्यकता र महत्व बढ्दै गएको बताउनुभएको छ । केही समय अघिसम्म निष्क्रिय देखिएको नेपाल स्काउटले पछिल्लो समयमा आफ्नो सक्रियता बढाएको बताइएको छ ।

देशभरका स्थानीय तहसम्म आफ्नो संरचनालाई पु¥याउँदै कोरोना महामारीमा पनि स्काउटले स्वयमसेवी भूमिका खेलेको उहाँको दाबी छ ।