गगन थापाले भोलि अवधारणा सार्वजनिक गर्ने

नेपाली काँग्रेसको १४ औँ महाधिवेशनमा महामन्त्रीको उम्मेद्वारी घोषणा गरेका युवा नेता गगन थापाले आफ्नो अवधारणा सार्वजनिक गर्ने भएका छन् । काँग्रेसको पुनर्जागरण र रुपान्तरणका लागि थापाले आफ्नो अवधारणा सार्वजनिक गर्न लागेका हुन् ।

काँग्रेसलाई रुपान्तरण गरेर ‘समुन्नत नेपालः सम्मानित नेपाली’ को संकल्प पूरा गर्न सक्ने पार्टी बनाउने थापाको अठोट छ । उनले भनेका छन्, ‘समुन्नत नेपालः सम्मानित नेपाली’ को हाम्रो संकल्प पूरा गर्न सक्ने पार्टी बनाउन नेपाली काँग्रेसको पुनर्जागरण र रुपान्तरणका लागि मेरो अवधारणा सार्वजनिक गरिने कार्यक्रममा तपाईंको गरिमामय उपस्थिति एवम् सल्लाह सुझावको अपेक्षा गरेको छु ।’

कार्यक्रम भोलि दिउँसो ३ बजे नेपाल प्रज्ञा प्रतिष्ठान, कमलादीमा हुने जनाइएको छ ।