नेपग्याजमको रोस्ट एण्ड र्‍याप ब्याटलको ट्रेलर सार्वजनिक

नेपग्याजमले भर्खरै रोस्ट एण्ड र्याप ब्याटल (Roast & Rap Battle) को पछिल्लो श्रृंखलाको ट्रेलर सार्वजनिक गरेको छ । नेपाली स्ट्याण्डअप कमेडीमा ५ वर्षदेखि निरन्तरता दिँदै आएको नेपग्याजम कमेडीले रोस्ट एण्ड र्याप ब्याटलको नयाँ श्रृंखला शुरु गर्न लागेको हो । उसले एउटा फरक प्रयोगसहितको ट्रेलर आफ्नो आधिकारिक युट्युब च्यानलमार्फत् सार्वजनिक गरेको छ ।

ट्रेलरमा कलाकार लेखमणि त्रिताल आफैँ तीन फरक पात्र (लेखमणि त्रिताल,रमेश अंकलको छोरो र रमेश चाचा के लैका) लाई एउटै स्क्रिनमा एकअर्कासँग ब्याटल गर्दै गरेको देख्न सकिन्छ ।कलाकार त्रितालले धेरै अघिदेखि नै आफूले अभिनय गरेका पात्रहरुलाई एउटै स्क्रिनमा ल्याउने योजना रहेको भए पनि कहिले कोरोना र कहिले लकडाउनलगायतका कारणले पूरा गर्न नसकिएको र यसलाई लिएर आफू निकै उत्साहित रहेको समेत बताएका छन् ।भन्छन् ‘केही दिनअघि साथीहरुको बसाइमा ट्रिपल रोल गर्ने कुरो भयो र सामग्री तयार गर्यौं । म उत्साहित छु, मिहिनेतका साथ यसको उत्पादन तथा सम्पादनमा एउटा राम्रो अभ्यास गरेका छौं । पहिलो ट्रेलरमा दर्शकले देखाउनुभएको प्रतिक्रिया तथा जोश हेर्न लायक छ । आशा छ फाइनल सामग्रीले यहाँहरुलाई मनोरञ्जन प्रदान गर्नेछ ।’नेपग्याजमको ट्रेलरलाई लिएर दर्शकहरूबाट राम्रो प्रतिक्रिया आएको बताइएको छ । रोस्ट एण्ड र्याप ब्याटलको यो श्रृंखला नेपग्याजमको आधिकारिक युट्युबबाट हेर्न सकिन्छ ।