एकल महिला र ज्येष्ठ नागरिकलाई न्यानो कपडा

जाजरकोटस्थित बारकोट गाँउपालिकाकी उपाध्यक्ष ओमा शाहीले पुसको चिसोमा न्यानो कपडा वितरण गर्न थाल्नुभएको छ । आर्थिक रूपमा पिछडिएका एकल तथा जेष्ठ महिलालाई उपाध्यक्ष शाहीले गाउँगाउँ पुगेर न्यानो कपडा वितरण गर्नुभएको हो ।

जिल्लाको सबैभन्दा चिसो र हिमाली क्षेत्र नजिक पर्ने बारकोट गाउँपालिकाकी उपाध्यक्ष शाहीले एकल महिलालाई न्यानो बनाउन कपडा वितरण गर्न थालेपछि त्यस क्षेत्रका महिलाहरू खुशी भएका छन् । महिला नै महिलाको सारथी हो भन्दै सो अभियान चलाइएको उपाध्यक्षको भनाइ छ ।

दुःखको साथी र महिलाहरुको सहयोगको निम्ति उक्त अभियानले निकै सघाउ पुर्याउने बताइएको छ । यसबीचमा बारकोट नगरपालिकाका ६ र ७ वडाका एकल महिलालाई न्यायो कपडा वितरण गरिएको छ ।