पाँचथरको अर्थे मेला स्थगित

पाँचथरको फिदिम नगरपालिका–६, सिवामा आयोजना हुन लागेको अर्थे मेला तथा पालिकास्तरीय पूरुष भलिवल प्रतियोगिता स्थगित भएको छ । अर्थे युवा क्लव फिदिम–६, को आयोजनामा माघ १७ देखि २२ गतेसम्म प्रतियोगिता सञ्चालन तयारी भएको थियो ।

कोरोना भाइरसको नयाँ भेरीयन्ट ओमिक्रोन बढीरहेको र त्यसको जोखिमलाई मध्यनजर गर्दै जिल्ला कोभिड–१९ संकट व्यवस्थापन समिति(डिसिएमसि) सार्वजनिकस्थलमा हुने सबै खाले भेलालाई पूर्ण रोक लगाउने निणर्य गरेपछि मेला तथा प्रतियोगिता स्थगित गरिएको हो ।

कोभिडको संक्रमणदर सामान्य अवस्थामा आए फाल्गुनमा प्रतियोगिता सञ्चालन हुनेछ । डिसिएमसि पाँचथरको माघ ६ गते बसेको बैठकले सार्वजर्निक स्थलहरुमा २५ जना भन्दा बढी भेला हुन नपाउने निर्णय गरेको थियो ।

साथै सभा ,गोष्टी, बैठक,सेमिनारमा सहभागी हुदा अनिवार्य पूर्ण खोप कार्ड लगाएका व्यक्तिहरु मात्र उपस्थित हुनुपर्ने निर्णयपनि गरेको छ ।