मिनीट्रकले हान्दा खरिपाटीका संजोग रहेनन्
भक्तपुरमा मिनीट्रकले ठक्कर दिँदा आज एक जनाको ज्यान गएको छ । चाँगुनारायण नगरपालिका ७ खरिपाटी भद्रकालीस्थित प्रदेश नम्बर ३–००१ प १४७७ नम्बरको एफजेट मोटरसाइकल र बा. ५ ख. १६२५ नम्बरको मिनीट्रक एक आपसमा ठोक्किँदा मोटरसाइकल चालकको मृत्यु भएको हो ।
ठक्करबाट ज्यान गुमाउनेमा भक्तपुरको खरिपाटी बस्ने २४ वर्षका सञ्जोग गिरी हुन् । उनको घटनास्थलमै मृत्यु भएको हो । ठक्कर दिने मिनीट्रक र चालकलाई महानगरीय प्रहरी वृत्त जगातीले नियन्त्रणमा लिएको छ ।
चालक सिन्धुपाल्चोकको बाह्रबिसे नगरपालिका ७, नाकुचे घर भई हाल भक्तपुर नगरपालिका ८, लिवाली बस्ने ३४ वर्षीय राम आचार्य रहेको जिल्ला प्रहरी कार्यालय, भक्तपुरका प्रहरी नायव उपरिक्षक राजु पाण्डेले बताए ।
टिप्पणीहरू