आज अदालतले खाइदेला त माधव नेपालको पद ?

आफूबाट अलग्गिएका नेताहरु माधवकुमार नेपाल र झलनाथ खनालसहित नेकपा (एकीकृत समाजवादी) गठन गर्ने १४ भाइको साँसद पद खुस्काउन एमाले अध्यक्ष केपी ओलीले सर्वोच्च अदालतमा दायर गर्नुभएको रिटउपर सुनुवाइ सकिएको छ ।

५ नम्बर इजलासका न्यायाधीश इश्वर खतिवडासहित कुमार रेग्मीले यससम्बन्धी तीन थान छुट्टाछुट्टै मुध्दाको सुनुवाइ सकी निर्णय सुनाउन लाग्दै हुनुहुन्छ ।
ओलीले उत्प्रेषण (078-WO=0272) अन्तर्गत भदौ १७ गते १४ भाइको पद नखाएको भन्दै निर्वाचन आयोगसमेतलाई विपक्षी बनाएर रीट दर्ता गराउनुभएको थियो ।खतिवडा श्रीमान दोश्रो पटकको प्रतिनिधि सभा विघटन बदर गर्ने फैसला तयार गरेबापत ओलीद्वारा भोलि महाअभियोग दर्ता गराइने लिस्टमा हुनुहुन्छ भने कुमार श्रीमानले चाहिँ फागुन २३ गते नेकपा विघटन गराई एमाले र माओवादी ब्युताउने आदेश गर्नुभएको थियो ।