एमाले बैठकमा एमसिसीवारे छलफल गराउन भीम रावलको लिखित माग

एमाले सांसद डा.भीम रावलले अमेरिकी सहयोग परियोजना मिलेनियम च्यालेञ्ज कर्पोरेशन (एमसीसी) सम्झौताबारे पार्टीमा गम्भीर छलफलको माग गरेका छन् ।

संसदीय दलको नेतासमेत रहेका अध्यक्ष केपी शर्मा ओलीलाई पत्र लेखेर उनले एमसीसीलाई संसदीय दलमा कार्यसूची निर्धारण गरी गम्भीर छलफल थाल्न माग गरेका हुन् ।रावलले आज बसेको संसदीय दलको बैठकमा पनि एमसीसीबारे छलफल गर्न माग गरेका थिए । बैठकमा आफूले दर्ज गरेको मत भदै उनले सार्वजनिक गरेको पत्रमा एमसीसी सम्झौता आमजनताको गम्भीर चासो र सरोकार बनेकाले पार्टीमा छलफल हुनुपर्ने उल्लेख छ ।

‘यो नेपाली जनताको गम्भीर चासो र सरोकारको विषय बनेको छ । यस्तो गम्भीर र संवेदनशील विषयमा नेकपा (एमाले) जस्तो राजनैतिक दलले राष्ट्रिय स्वाधिनता एवम हितको पक्षपोषण गर्दै स्पष्ट धारणा सार्वजनिक गर्नुपर्छ । यसका लागि संसदीय दलमा कार्यसूची निर्धारण गरी गम्भीर छलफल गरियोस् भनी माग गर्दछु’, उनले लेखेका छन् ।