कुर्मीलाई भित्र्याउँदै नेपालले भन्नुभयो,’हाम्रो अस्तित्व बुझेर ओलीले घृणा गरे !’

पूर्वप्रधानमन्त्री तथा नेकपा (एकीकृत समाजवादी) का अध्यक्ष माधवकुमार नेपालले पार्टीप्रति जनताको आशा,विश्वास र अपेक्षा बढ्दै गएको बताउनुभएको छ ।

रुपन्देहीको लुम्बिनी सांस्कृतिक नगरपालिकाका अर्जुन कुर्मीको पार्टी प्रवेश कार्यक्रमलाई आज सम्बोधन गर्दै अध्यक्ष नेपालले देशैभरि एकीकृत समाजवादी प्रवेश गर्नेको संख्या बढेको दाबी गर्नुभयो ।

“एमसीसीप्रति जनतामा नकारात्मक धारणा रहेकाले त्यसलाई ध्यानमा राखेर अगाडि बढ्नुपर्नेमा अध्यक्ष नेपालले जोड दिनुभयो ।”

मेचीदेखि महाकालीसम्म र हिमाल, पहाड,तराई सबैतिर विभिन्न पार्टीका नेता,कार्यकर्ता पार्टीमा प्रवेश गरिरहेको भन्दै उहाँले एकीकृत समाजवादी राष्ट्रिय राजनीतिको निर्णायक भूमिकामा रहेको पनि बताउनुभयो ।

‘यस पार्टीमा एमालेमा रहेका केन्द्रीय सदस्यहरु गरेर आएका छन् । कहिले हामी सुन्छौं विभिन्न तहमा रहेका एमालेका नेता,कार्यकर्ता र अन्य पार्टीका नेता कार्यकर्ताहरु एकीकृत समाजवादीमा समाहित भएका छन्,’उहाँले भन्नुभयो ।

अध्यक्ष नेपालले एमालेलाई एउटा गिरोहको संज्ञा दिँदै आफूहरुको राष्ट्रिय राजनीतिको अस्तित्वलाई बुझेर केपी ओलीले बेलाबेलामा घृणा पोख्ने गरेको टिप्पणी पनि गर्नुभयो । ओलीले अहिलेको सत्ता गठबन्धन तोड्न चाहेको आरोप पनि लगाउनुभयो ।

एमसीसीप्रति जनतामा नकारात्मक धारणा रहेकाले त्यसलाई ध्यानमा राखेर अगाडि बढ्नुपर्नेमा अध्यक्ष नेपालले जोड दिनुभयो ।

आज नेकपा (एस) मा प्रवेश गरेका कुर्मी तत्कालीन राजपाका नेता हुन् ।