दाङको राप्ती नदीमा बम विस्फोट, ५ जना घाइते

दाङमा माछा मार्न बनाएको बम पड्किँदा पाँच जना घाइते भएका छन् । हिजो बेलुकी भएको घटनामा लमही नगरपालिका–८, असानि बस्ने २७ वर्षीय आनन्द भण्डारी लगायत पाँच जना घाइते भएका हुन् ।

स्थानीय राप्ती नदीमा माछा मार्न जाँदा माछा मार्ने प्रयोजनको निम्ति बनाइएको बम हातमा नै पड्किएको थियो । बम पड्किँदा घाइते भएपछि उपचारको निम्ति उनीहरुलाई लमहीतर्फ पठाइएको थियो ।

उपचारपछि एक जना डिस्चार्ज भएका छन् भने अन्य घाइतेको उपचार भइरहेको प्रहरीले जनाएको छ ।