भोट हाल्ने दिन हवाइजहाज पनि बन्द

स्थानीय तह निर्वाचनको दिन आन्तरिक उडान बन्द हुने भएको छ । नेपाल वायुसेवा सञ्चालक संघले मतदानका दिन मानवीय उद्धार, सहायता उडान तथा सरकारको निर्देशनमा हुने बाहेकका सबै उडान बन्द गर्ने निर्णय गरेको हो ।

संघमा आबद्ध सबै वायुसेवा कम्पनीले चुनावका दिन उडान बन्द गर्ने संघले आज जारी गरेको विज्ञप्तिमा उल्लेख छ । निर्वाचन आयोगले मतदानका दिन यातायातका सबै साधनको आवागमन बन्द गर्ने निर्णय यसअघि नै गरिसकेको छ । त्यसकै आधारमा संघले आन्तरिक उडान बन्द गर्ने निर्णय गरेको हो ।