रौतहटमा बन्दुक पड्कियो, ३ जना घाइते

रौतहटमा बन्दुकको छर्रा लागेर तीन जना घाइते भएका छन् । गरुडा नगरपालिका १ जयनगर बस्ने १० वर्षीय मजसिर शेखसहित तीन जना १२ बोरको बन्दुकको छर्रा लागेर घाइते भएका हुन् ।

स्थानीय ४२ वर्षीय जयमंगल महतोले पड्काएको बन्दुकको छर्रा उनीहरुलाई लागेको प्रहरीले जनाएको छ । प्रहरीले महतोलाई उक्त बन्दुकसहित पक्राउ गरिसकेको छ ।

घाइतेहरूको स्थानीय संजिवनी अस्पताल शिवनगरमा उपचार भइरहेको जिल्ला प्रहरी कार्यालय रौतहटले जानकारी दिएको छ ।