गुडिरहेको कारमा दनदनी आगो
बारामा गुडिरहेको कारमा आगो लागेको छ । लालबन्दीबाट हेटौंडातर्फ जाँदै गरेको कारमा आज बिहान ५ बजे अचानक आगो लागेको हो ।
पूर्वपश्चिम राजमार्गअन्तर्गत जितपुरसिमरा उपमहानगरपालिका–१६, बंगरी पुल नजिकै गुडिरहेको प्र.२–०२–००१ च.०१६५ नम्बरको कारमा आगलागी भएको जिल्ला ट्राफिक प्रहरी कार्यालय बाराले जनाएको छ ।
आगलागीबाट कार पूर्णरुपमा क्षति भए पनि मानवीय क्षति भने नभएको जिल्ला ट्राफिक प्रहरी कार्यालय बाराका प्रमुख प्रहरी निरीक्षक सुदर्शन थापाले बताए ।
कारको वायर सर्ट भएर आगलागी भएको अनुमान गरिएको छ ।
ट्रेन्डिङ पोस्ट
टिप्पणीहरू