१२ कक्षाको जाँच दिउँसो नहुने

आगामी सोमबारदेखि शुरु हुने कक्षा १२ को परीक्षाको समयतालिका परिवर्तन भएको छ । राष्ट्रिय परीक्षा बोर्डले बिहान ११ बजेका लागि तय गरेको समय हेरफेर गरेर बिहान ८ बजे तोकेको हो ।

यसअघि बिहान ११ बजेदेखि दिउँसो २ बजेसम्म परीक्षाको समय निर्धारण गरिएकोमा अब बिहान ८ देखि ११ बजेसम्म हुनेछ । राष्ट्रिय परीक्षा बोर्डले आज सूचना जारी गरी विभिन्न सरोकारवाला निकायको परामर्शका आधारमा समय परिवर्तन गरिएको जनाएको हो ।